ଭୁବନେଶ୍ବର : ସାମସଙ୍ଗ ଘୋଷଣା କରିଛି ଯେ ଏହାର ଓ୍ବାଚ ଶୃଙ୍ଖଳାର ନୂଆ ସଂଯୋଜନ ଗାଲାକ୍ସି ଓ୍ବାଚ୍ ଅଲଟ୍ରା-୨ ଏବଂ ଗାଲାକ୍ସି ଓ୍ବାଚ୍ -୯ ଭାରତରେ ପ୍ରି-ଅର୍ଡର୍ ପାଇଁ ଉପଲବ୍ଧ ହୋଇଛି। ଉଭୟ ମଡେଲ୍କୁ ୨୪/୭ ପରିଧାନ ଏବଂ ନିରନ୍ତର ସ୍ବାସ୍ଥ୍ୟ ନିରୀକ୍ଷଣକୁ ସମର୍ଥନ କରିବା ପାଇଁ ଡିଜାଇନ୍ କରାଯାଇଛି। ଏହା ନିଦ୍ରା, ଶାରୀରିକ କାର୍ଯ୍ୟକଳାପ, ହୃଦୟ ଓ ରକ୍ତନଳୀ ସ୍ବାସ୍ଥ୍ୟ ଏବଂ ରିକଭରି ସମେତ ବିଭିନ୍ନ କ୍ଷେତ୍ରର ସ୍ବାସ୍ଥ୍ୟ ତଥ୍ୟକୁ ବ୍ୟବହାରିକ ମାର୍ଗଦର୍ଶନରେ ପରିଣତ କରେ।
ସାମସଙ୍ଗ ଏମଏକ୍ସ ବିଜନେଶର ଉପ ସଭାପତି ଆଦିତ୍ୟ ବବ୍ବର କହିଛନ୍ତି “AIର ଶକ୍ତିକୁ ବ୍ୟବହାର କରି ଏପରି ଏକ ଭବିଷ୍ୟତ ଗଢ଼ିବା ଆମର ଲକ୍ଷ୍ୟ, ଯେଉଁଠାରେ ସ୍ବାସ୍ଥ୍ୟସେବା ରୋଗ ପ୍ରତିରୋଧ ମୂଳକ, ନିରନ୍ତର ଏବଂ ପ୍ରତ୍ୟେକ ବ୍ୟକ୍ତିର ଆବଶ୍ୟକତା ଅନୁଯାୟୀ ହେବ। ଗାଲାକ୍ସି ଓ୍ବାଚ୍ ଅଲଟ୍ରା – ୨ ଏବଂ ଗାଲାକ୍ସି ଓ୍ବାଚ- ୯ ଏହି ଦୃଷ୍ଟିକୋଣକୁ ପ୍ରତିଫଳିତ କରେ। ଉନ୍ନତ ସ୍ବାସ୍ଥ୍ୟ ନିରୀକ୍ଷଣ ସୁବିଧା ସହିତ ଏହା ବ୍ୟବହାରକାରୀଙ୍କ ଏକ ବିଶ୍ବସନୀୟ ସାଥୀ ଭାବେ କାର୍ଯ୍ୟ କରିବା ସହ ସେମାନଙ୍କ ସ୍ବାସ୍ଥ୍ୟ ଯାତ୍ରାକୁ ସମର୍ଥନ କରିବା ପାଇଁ ପୂର୍ବ ସୂଚନା ଏବଂ ଠିକ୍ ସମୟରେ ସତର୍କ ସୂଚନା ପ୍ରଦାନ କରେ।
ସାମସଙ୍ଗ ଦ୍ବାରା ଏପର୍ଯ୍ୟନ୍ତ ତିଆରି କରାଯାଇଥିବା ସବୁଠାରୁ କ୍ଷମତାଶାଳୀ ସ୍ମାର୍ଟ ୱାଚ୍ମାନଙ୍କ ମଧ୍ୟରୁ ଅନ୍ୟତମ ଗାଲାକ୍ସି ଓ୍ବାଚ୍ ଅଲଟ୍ରା – ୨ ବାହାରେ ଅଧିକ ସମୟ ବିତାଉଥିବା କିମ୍ବା ଏଣ୍ଡୁରାନ୍ସ ସ୍ପୋଟ୍ସରେ ଅଂଶଗ୍ରହଣ କରୁଥିବା ବ୍ୟବହାରକାରୀଙ୍କ ପାଇଁ ଲକ୍ଷ୍ୟ କରାଯାଇଛି। ଏହା ଦୃଢ଼ ନିର୍ମାଣ ସହିତ ଟ୍ରାଏଲ ରନିଂ ଏବଂ ଡାଇଭିଂ ସମେତ ବିଭିନ୍ନ କାର୍ଯ୍ୟକଳାପ ପାଇଁ ସ୍ବତନ୍ତ୍ର ଟ୍ରାକିଂ ମୋଡକୁ ଏକତ୍ର କରିଛି। ନୂଆ ଟ୍ରାଏଲ ରନ ସୁବିଧା ଉଚ୍ଚତା, ଚଢ଼ାଇର ପ୍ରଗତି ଏବଂ ଭୂମିର ପ୍ରଭାବକୁ ମାପିଥାଏ, ଯାହା ଦୌଡ଼ାଳିଙ୍କୁ ନିଜର ଗତି ନିୟନ୍ତ୍ରଣ କରିବାରେ ସହାୟତା କରେ। ପୂର୍ବରୁ ଥିବା ସ୍ବେଟ ଲସ ସୁବିଧା ନୂଆ ନ୍ୟୁଟ୍ରେସନ ଆଲର୍ଟ ସୁବିଧା ଯୋଡ଼ା ଯାଇଛି। ଏହା ଶରୀରର ଓଜନ ତୁଳନାରେ ହେଉଥିବା ଝାଳ କ୍ଷୟକୁ ମାପି ଶରୀରକୁ ଆବଶ୍ୟକ ଜଳୀୟତାର ପରିମାଣ ଆକଳନ କରେ। ଗାଲାକ୍ସି ଓ୍ବାଚ ଅଲଟ୍ରା-୨ ରେ ପ୍ରଫେସନାଲ ଡାଇଭିଂ ସପୋର୍ଟ ମଧ୍ୟ ରହିଛି। ଏହି ଘଡ଼ି ପାଣିରେ ବୁଡ଼ିବା ସମୟରେ ଗଭୀରତା,ଡାଇଭିଂ ଏବଂ ପାଣିର ତାପମାତ୍ରାକୁ ସ୍ବୟଂଚାଳିତ ଭାବେ ରେକର୍ଡ କରେ। ଗାଲାକ୍ସି ଓ୍ବାଚ ଅଲଟ୍ରା- ୨ରେ ୮୦୦ mAh ବ୍ୟାଟେରୀ ରହିଛି। ଯାହା ପୂର୍ବ ଅଲଟ୍ରା ମଡେଲ୍ ତୁଳନାରେ ବ୍ୟାଟେରୀ କ୍ଷମତାରେ ୩୫% ବୃଦ୍ଧିକୁ ଦର୍ଶାଏ।
