ଜୋର୍ ଧରିଲା ଗୋପବନ୍ଧୁ ସ୍ୱାସ୍ଥ୍ୟବୀମାକୁ ଆୟୁଷ୍ମାନ ଭାରତ ସହ ମିଶାଇବା ଚର୍ଚ୍ଚା ପ୍ରସଙ୍ଗ । ଏହାକୁ ବିକୃତ ନ କରିବା ପାଇଁ ସରକାରଙ୍କୁ ଅନୁରୋଧ କରିଛନ୍ତି OUJ ସଭାପତି ତଥା ବରିଷ୍ଠ ସାମ୍ବାଦିକ ପ୍ରସନ୍ନ ମହାନ୍ତି । ସେ କହିଛନ୍ତି, ଆୟୁଷ୍ମାନ ଭାରତ ସହ ମିଶାଇବା ପକ୍ରିୟାରୁ ସରକାର ନିବୃତ୍ତ ରୁହନ୍ତୁ ।
ରାଜ୍ୟରେ ୯ ହଜାରରୁ ଊର୍ଦ୍ଧ୍ବ ସାମ୍ବାଦିକ ଗୋପବନ୍ଧୁ ସ୍ୱାସ୍ଥ୍ୟବୀମାରେ ଉପକୃତ ହେଉଛନ୍ତି । ଆୟୁଷ୍ମାନ ଭାରତ ସହ ମିଶାଇବାକୁ ଉଦ୍ୟମ କଲେ ରାଜ୍ୟବ୍ୟାପୀ ଆନ୍ଦୋଳନ ହେବ ବୋଲି କହିଛି OUJ । ସେପଟେ ସ୍ୱାସ୍ଥ୍ୟ ବୀମା ଦ୍ୱନ୍ଦ୍ବକୁ ନେଇ ସ୍ବାସ୍ଥ୍ୟମନ୍ତ୍ରୀ କହିଛନ୍ତି, ଯୋଜନା ନେଇ ସରକାର ଅନୁଧ୍ୟାନ କରିବେ। ଏନେଇ ସୂଚନା ଓ ଲୋକ ସମ୍ପର୍କ ବିଭାଗ ସହ ଆଲୋଚନା ହୋଇଛି ।
