ଭୁବନେଶ୍ୱର, ଓଡ଼ିଶା | ୧୧ ଅଗଷ୍ଟ ୨୦୨୬: ଭାରତରେ ପ୍ରୋଟିଭିଟିର ମେମ୍ବର ଫାର୍ମ ପ୍ରୋଟିଭିଟି ମେମ୍ବର ଫାର୍ମ ଫର୍ ଇଣ୍ଡିଆ, କିଟ୍ ବିଶ୍ୱବିଦ୍ୟାଳୟ ସହ ଏକ ରଣନୀତିକ ସହଭାଗିତା ସ୍ଥାପନ କରିଛି। ଏହି ସହଯୋଗିତା ଅଧୀନରେ ବିଶ୍ୱବିଦ୍ୟାଳୟ ପରିସରରେ ଏକ ଏଆଇ ସେଣ୍ଟର ଅଫ୍ ଏକ୍ସଲେନ୍ସ (ସିଓଏ) ପ୍ରତିଷ୍ଠା କରାଯିବ। ଦ୍ରୁତ ଭାବରେ ବିକଶିତ ହେଉଥିବା ଏଆଇ ଭିତ୍ତିକ ଅର୍ଥନୀତିର ଆବଶ୍ୟକତା ପୂରଣ ପାଇଁ ଛାତ୍ରଛାତ୍ରୀ ଓ କାର୍ଯ୍ୟରତ ପେସାଦାରମାନଙ୍କୁ ପ୍ରସ୍ତୁତ କରିବା ଲାଗି ଏହି ସେଣ୍ଟର ଏକ ସମନ୍ୱିତ ପ୍ଲାଟଫର୍ମ ଭାବେ କାର୍ଯ୍ୟ କରିବ।
ଏହି ପଦକ୍ଷେପ ଶିକ୍ଷାଗତ ଉତ୍କର୍ଷ, ପରାମର୍ଶଦାତା ଦକ୍ଷତା ଓ ଶିଳ୍ପ ଆବଶ୍ୟକତାକୁ ଏକତ୍ର କରି କୃତ୍ରିମ ବୁଦ୍ଧିମତ୍ତା (ଏଆଇ), ଜେନେରେଟିଭ୍ ଓ ଏଜେଣ୍ଟିକ୍ ଏଆଇ ଏବଂ ଡାଟା ସାଇନ୍ସ ଭଳି ଉଦୀୟମାନ କ୍ଷେତ୍ରରେ ଭବିଷ୍ୟତ ପାଇଁ ପ୍ରସ୍ତୁତ ପ୍ରତିଭା ବିକଶିତ କରିବ। ପ୍ରୋଟିଭିଟି ମେମ୍ବର ଫାର୍ମ ଫର୍ ଇଣ୍ଡିଆର ରଣନୀତିକ ଜ୍ଞାନ ସହଯୋଗୀ ଓ ଆସୋସିଏଟ୍ ଭାବେ ଇନସାଇଟ୍ଭର୍ଜ ଏଆଇ ସେଣ୍ଟର ଅଫ୍ ଏକ୍ସଲେନ୍ସ ଅଧୀନରେ ପ୍ରସ୍ତାବିତ ଶିକ୍ଷାଗତ ଓ ପେସାଦାର କାର୍ଯ୍ୟକ୍ରମଗୁଡ଼ିକର ପରିକଳ୍ପନା, ପରିଚାଳନା ଓ ସହଯୋଗ କରିବ।
ଏହି ସେଣ୍ଟର ଶିଳ୍ପ ଓ ଶିକ୍ଷାନୁଷ୍ଠାନ ମଧ୍ୟରେ ସହଯୋଗକୁ ଆହୁରି ମଜବୁତ କରିବ। ଲାଇଭ୍ କନସଲଟିଂ ଆସାଇନମେଣ୍ଟ, ଶିଳ୍ପ ପ୍ରକଳ୍ପ, କ୍ୟାପ୍ଷ୍ଟୋନ୍ ପ୍ରୋଗ୍ରାମ, ମେଣ୍ଟରସିପ୍, ଏକ୍ଜିକ୍ୟୁଟିଭ୍ ଏଜୁକେସନ୍ ଏବଂ ଶିଳ୍ପ ବିଶେଷଜ୍ଞଙ୍କ ଦ୍ୱାରା କ୍ଲାସ୍ରୁମ୍ ଶିକ୍ଷା ମାଧ୍ୟମରେ ପ୍ରୟୋଗଭିତ୍ତିକ ଶିକ୍ଷା ପ୍ରଦାନ କରାଯିବା ନେଇ ଲକ୍ଷ୍ୟ ରହିଛି।
କେବଳ ଶିକ୍ଷାଗତ କାର୍ଯ୍ୟକ୍ରମରେ ସୀମିତ ନ ରହି ଏହି ସେଣ୍ଟର ନବ ସୃଜନ, ଇନକ୍ୟୁବେସନ୍, ଗବେଷଣା ଏବଂ ଭେଞ୍ଚର ବିଲ୍ଡିଂ ପଦକ୍ଷେପ ପାଇଁ ମଧ୍ୟ ଏକ ପ୍ଲାଟଫର୍ମ ଭାବେ କାମ କରିବ । ଏହା ମାଧ୍ୟମରେ ଛାତ୍ରଛାତ୍ରୀମାନେ ଉଦୀୟମାନ ପ୍ରଯୁକ୍ତିର ବ୍ୟବହାର କରି ବାସ୍ତବ ଦୁନିଆର ବ୍ୟବସାୟିକ ସମସ୍ୟାର ସମାଧାନ ଖୋଜିବାକୁ ସୁଯୋଗ ପାଇବେ।
ଏହି ସହଯୋଗିତା ଏଭଳି ଏକ ସମୟରେ ହୋଇଛି, ଯେତେବେଳେ ଏଆଇ ଆଧାରିତ ପରିବର୍ତ୍ତନ ମଧ୍ୟରେ ଥିବା ସଂଗଠନଗୁଡ଼ିକ ପାଇଁ କେବଳ ବୈଷୟିକ ଦକ୍ଷତା ନୁହେଁ, ବରଂ ପରାମର୍ଶ, ଶାସନ ବ୍ୟବସ୍ଥା ଓ ବ୍ୟବସାୟିକ ପରିବର୍ତ୍ତନ ସମ୍ପର୍କିତ ଦକ୍ଷତା ଥିବା ଶ୍ରମ ଶକ୍ତିର ଆବଶ୍ୟକତା ବଢ଼ିଛି। ତେଣୁ ଭବିଷ୍ୟତର ଏଭଳି ଦକ୍ଷ କର୍ମଶକ୍ତି ପ୍ରସ୍ତୁତ କରିବାରେ ଶିଳ୍ପ ଓ ବିଶ୍ୱବିଦ୍ୟାଳୟର ମିଳିତ ପ୍ରୟାସ ଗୁରୁତ୍ୱପୂର୍ଣ୍ଣ ପଦକ୍ଷେପ ଭାବେ ବିବେଚିତ ହୋଇଛି l
ଏହି ସହଯୋଗିତା ସମ୍ପର୍କରେ ପ୍ରୋଟିଭିଟି ମେମ୍ବର ଫାର୍ମ– ମିଡିଲ୍ ଇଷ୍ଟ ଆଣ୍ଡ ଇଣ୍ଡିଆର ସିଇଓ ଏବଂ ମ୍ୟାନେଜିଂ ଡାଇରେକ୍ଟର ସଞ୍ଜୀବ ଅଗ୍ରୱାଲ କହିଛନ୍ତି, “କୃତ୍ରିମ ବୁଦ୍ଧିମତ୍ତା ସଂଗଠନଗୁଡ଼ିକର କାର୍ଯ୍ୟ ପ୍ରଣାଳୀ, ପ୍ରତିଯୋଗିତା ଓ ମୂଲ୍ୟ ସୃଷ୍ଟି ପ୍ରକ୍ରିୟାରେ ମୌଳିକ ପରିବର୍ତ୍ତନ ଆଣୁଛି। ବ୍ୟବସାୟଗୁଡ଼ିକ ଯେତେବେଳେ ଏଆଇ ଯାତ୍ରାକୁ ଦ୍ରୁତ କରୁଛନ୍ତି, ସେତେବେଳେ କେବଳ ପ୍ରଯୁକ୍ତିକୁ ବୁଝୁଥିବା ନୁହେଁ, ବରଂ ଏହାର ବ୍ୟବସାୟିକ, ଶାସନ ଓ ବିପଦ ସମ୍ପର୍କିତ ପ୍ରଭାବକୁ ବୁଝୁଥିବା ପ୍ରତିଭାର ତୁରନ୍ତ ଆବଶ୍ୟକତା ରହିଛି। କିଟ୍ ବିଶ୍ୱବିଦ୍ୟାଳୟ ସହ ଆମର ଏହି ସହଯୋଗିତା ଭବିଷ୍ୟତର ଶ୍ରମ ଶକ୍ତି ଗଠନ ଦିଗରେ ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ। ଏହି ଏଆଇ ସେଣ୍ଟର ଅଫ୍ ଏକ୍ସଲେନ୍ସ ମାଧ୍ୟମରେ ଆମେ ଶିକ୍ଷାଗତ ଜ୍ଞାନକୁ ବାସ୍ତବ ଶିଳ୍ପ ଅଭିଜ୍ଞତା ସହ ଯୋଡ଼ି ଛାତ୍ରଛାତ୍ରୀଙ୍କୁ ବ୍ୟବହାରିକ ଦକ୍ଷତା, ଶିଳ୍ପ ଉପଯୋଗୀ ଏବଂ ବ୍ୟାପକ ଦୃଷ୍ଟିକୋଣ ପ୍ରଦାନ କରିବାକୁ ଚାହୁଁଛୁ, ଯାହା ଭାରତର ଦ୍ରୁତଗତିରେ ବିକଶିତ ହେଉଥିବା ଏଆଇ ଓ ଡିଜିଟାଲ୍ ଅର୍ଥନୀତିରେ ସେମାନଙ୍କୁ ଅର୍ଥପୂର୍ଣ୍ଣ ଯୋଗଦାନ କରିବାରେ ସକ୍ଷମ କରିବ।”
ଏହି ଅବସରରେ କିଟ୍ ବିଶ୍ୱବିଦ୍ୟାଳୟ ପକ୍ଷରୁ ସଞ୍ଜୀବ ଅଗ୍ରୱାଲଙ୍କୁ ଡକ୍ଟର ଅଫ୍ ଲେଟର୍ସ (ଡି.ଲିଟ୍.) ସମ୍ମାନସୂଚକ ଡିଗ୍ରୀ ପ୍ରଦାନ କରାଯାଇଥିଲା। ଗତ ତିନି ଦଶନ୍ଧି ଧରି ପ୍ରୋଟିଭିଟିର ମିଡିଲ୍ ଇଷ୍ଟ ଓ ଇଣ୍ଡିଆ ପ୍ରାକ୍ଟିସ୍ର ବିକାଶ ଓ ପରିଚାଳନାରେ ତାଙ୍କର ଉଲ୍ଲେଖନୀୟ ଅବଦାନ ଏବଂ ବିଶିଷ୍ଟ ପେସାଦାର ଯାତ୍ରାକୁ ସ୍ୱୀକୃତି ଦେବା ଉଦ୍ଦେଶ୍ୟରେ ତାଙ୍କୁ ଏହି ସମ୍ମାନ ପ୍ରଦାନ କରାଯାଇଛି।
କିଟ୍ ବିଶ୍ୱବିଦ୍ୟାଳୟର ଡାଇରେକ୍ଟର – ଇଣ୍ଡଷ୍ଟ୍ରି ଏନ୍ଗେଜମେଣ୍ଟ ଏବଂ କେଏସ୍ଓଏମ୍ ପ୍ରଫେସର (ଡ.) କୁମାର ମହାନ୍ତି କହିଛନ୍ତି, “କିଟ୍ ବିଶ୍ୱବିଦ୍ୟାଳୟରେ ଆମେ ସବୁବେଳେ ବିଶ୍ୱାସ କରୁଛୁ ଯେ ଶିକ୍ଷା ବ୍ୟବସ୍ଥାକୁ ଶିଳ୍ପ ସହିତ ସମାନ ଗତିରେ ବିକଶିତ ହେବାକୁ ପଡ଼ିବ। ପ୍ରୋଟିଭିଟି ମେମ୍ବର ଫର୍ମ ଫର୍ ଇଣ୍ଡିଆ ଏବଂ ଇନସାଇଟ୍ଭର୍ଜ ସହ ଏହି ସହଯୋଗିତା ଆମ ଛାତ୍ରଛାତ୍ରୀଙ୍କୁ ଉଦୀୟମାନ ପ୍ରଯୁକ୍ତି, କନସଲଟିଂ ପ୍ରାକ୍ଟିସ୍ ଏବଂ ଗୁରୁତ୍ୱପୂର୍ଣ୍ଣ ବାସ୍ତବ ବ୍ୟବସାୟିକ ସମସ୍ୟା ସମ୍ପର୍କରେ ପ୍ରାକ୍ଟିକାଲ୍ ଅଭିଜ୍ଞତା ପ୍ରଦାନ କରିବ। ଏଆଇ ସେଣ୍ଟର ଅଫ୍ ଏକ୍ସଲେନ୍ସ ଶିଳ୍ପ ନେତୃତ୍ୱାଧୀନ ପାଠ୍ୟକ୍ରମ, ଲାଇଭ୍ ପ୍ରକଳ୍ପ, ମେଣ୍ଟରସିପ୍ ଓ ଉଦ୍ଭାବନ ପଦକ୍ଷେପ ମାଧ୍ୟମରେ ଅଭିଜ୍ଞତାଭିତ୍ତିକ ଶିକ୍ଷାକୁ ଆହୁରି ସୁଦୃଢ଼ କରିବ। ଏହା ଆମ ଛାତ୍ରଛାତ୍ରୀଙ୍କୁ ଦ୍ରୁତଗତିରେ ବଦଳୁଥିବା ବିଶ୍ୱ ଅର୍ଥନୀତିରେ ସଫଳ ହେବା ପାଇଁ ଆବଶ୍ୟକ ଦକ୍ଷତା ଓ ଆତ୍ମବିଶ୍ୱାସ ପ୍ରଦାନ କରିବ।”
ଏହି ସେଣ୍ଟର ଏକ୍ଜିକ୍ୟୁଟିଭ୍ ଏଜୁକେସନ୍ ଏବଂ ପେସାଦାରଙ୍କ ଦକ୍ଷତା ବିକାଶ ପାଇଁ ମଧ୍ୟ ସହଯୋଗ କରିବ। ଏହା ମାଧ୍ୟମରେ କାର୍ଯ୍ୟରତ ପେସାଦାରମାନେ ଏଆଇ ଏବଂ ଏହା ସହ ଜଡ଼ିତ କ୍ଷେତ୍ରରେ ନୂଆ ଦକ୍ଷତା ହାସଲ କରିପାରିବେ। ବିଭିନ୍ନ ଶିଳ୍ପ ଏଆଇକୁ ସେମାନଙ୍କର ମୁଖ୍ୟ ବ୍ୟବସାୟିକ କାର୍ଯ୍ୟରେ ସାମିଲ କରୁଥିବାରୁ ପ୍ରଯୁକ୍ତିଗତ ଜ୍ଞାନ ସହିତ ବ୍ୟବସାୟିକ ରଣନୀତି, ଶାସନ ବ୍ୟବସ୍ଥା, ସାଇବର ସୁରକ୍ଷା, ବିପଦ ପରିଚାଳନା ଓ କନସଲଟିଂ ଦକ୍ଷତା ଥିବା ପେସାଦାରଙ୍କ ଚାହିଦା ବଢ଼ୁଛି।
ଏହି ଆବଶ୍ୟକତାକୁ ଦୃଷ୍ଟିରେ ରଖି ଏଆଇ ସେଣ୍ଟର ଅଫ୍ ଏକ୍ସଲେନ୍ସ ଏକ ସ୍ଥାୟୀ ଓ ଦକ୍ଷ ପ୍ରତିଭା ପାଇପ୍ଲାଇନ୍ ଗଠନ କରିବାକୁ ଲକ୍ଷ୍ୟ ରଖିଛି। ଏହି ପ୍ରତିଭା ଭାରତର ଡିଜିଟାଲ୍ ପରିବର୍ତ୍ତନ ଏଜେଣ୍ଡାରେ ଯୋଗଦାନ ଦେବା ସହିତ ଦେଶର ଏଆଇ ଆଧାରିତ ଅର୍ଥନୈତିକ ବିକାଶକୁ ଆଗକୁ ନେବାରେ ସହାୟକ ହେବ।
