ନୂଆଦିଲ୍ଲୀ: ଲୋକସଭା ନିର୍ବାଚନ ୨୦୨୪ର ଫଳାଫଳ ମଙ୍ଗଳବାର ପ୍ରକାଶ ପାଇଛି। ଏହାକୁ ନେଇ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ପ୍ରଥମ ପ୍ରତିକ୍ରିୟା ସାମ୍ନାକୁ ଆସିଛି । ପ୍ରଧାନମନ୍ତ୍ରୀ ମୋଦୀ ଲଗାତାର ତୃତୀୟ ଥର ପାଇଁ ଜାତୀୟ ଗଣତାନ୍ତ୍ରିକ ମେଣ୍ଟ (ଏନଡିଏ) ଉପରେ ଆସ୍ଥା ପ୍ରକଟ କରିଛନ୍ତି ବୋଲି ଟ୍ୱିଟ୍ କରିଛନ୍ତି। ଏହା ଏକ ଐତିହାସିକ ସଫଳତା।
ଏହି ସ୍ନେହ ପାଇଁ ମୁଁ ଲୋକଙ୍କୁ ଅଭିନନ୍ଦନ ଜଣାଉଛି ଏବଂ ଲୋକଙ୍କ ଆକାଂକ୍ଷା ପୂରଣ କରିବା ପାଇଁ ଗତ ଦଶନ୍ଧିମଧ୍ୟରେ କରିଥିବା ଭଲ କାର୍ଯ୍ୟକୁ ଜାରି ରଖିବୁ ବୋଲି ପ୍ରତିଶ୍ରୁତି ଦେଉଛି। ମୁଁ ଆମର ସମସ୍ତ କର୍ମୀଙ୍କୁ ସେମାନଙ୍କ କଠିନ ପରିଶ୍ରମ ପାଇଁ ଅଭିନନ୍ଦନ ଜଣାଉଛି । ତାଙ୍କ ଅସାଧାରଣ ପ୍ରୟାସକୁ ଶବ୍ଦ କେବେ ନ୍ୟାୟ ଦେବ ନାହିଁ।
ଓଡ଼ିଶା ବିଧାନସଭା ନିର୍ବାଚନରେ ବିଜେପିର ବିପୁଳ ବିଜୟକୁ ନେଇ ମଧ୍ୟ ପ୍ରତିକ୍ରିୟା ରଖିଛନ୍ତି ପ୍ରଧାନମନ୍ତ୍ରୀ ମୋଦୀ । ସେ ଏକ୍ସରେ ପୋଷ୍ଟ କରି ଲେଖିଛନ୍ତି, ଧନ୍ୟବାଦ ଓଡ଼ିଶା! ସୁଶାସନ ଓ ଓଡ଼ିଶାର ଅନନ୍ୟ ସଂସ୍କୃତିକୁ ପାଳନ କରିବା ପାଇଁ ଏହା ଏକ ବିରାଟ ବିଜୟ। ଲୋକଙ୍କ ସ୍ୱପ୍ନ କୁ ସାକାର କରିବା ଏବଂ ଓଡିଶାକୁ ପ୍ରଗତିର ନୂଆ ଶୀର୍ଷରେ ପହଞ୍ଚାଇବାପାଇଁ ବିଜେପି କୌଣସି ସୁଯୋଗ ଛାଡିବ ନାହିଁ । ଆମର ସମସ୍ତ ପରିଶ୍ରମୀ ଦଳୀୟ କର୍ମୀଙ୍କ ପ୍ରୟାସ ପାଇଁ ମୁଁ ଅତ୍ୟନ୍ତ ଗର୍ବିତ ।
