ଭୁବନେଶ୍ୱର: ୱାକଫ ସଂଶୋଧନ ବିଲକୁ ବିରୋଧ କରି ରବିବାର ବିଜୁ ଜନତା ଦଳ ସହରର ରାଜ ଭବନ ସମ୍ମୁଖରେ ଏକ ବିକ୍ଷୋଭ ପ୍ରଦର୍ଶନ କରିଛି।
ସଂଖ୍ୟାଲଘୁ ମୁସଲମାନ ସମ୍ପ୍ରଦାୟର ସ୍ୱାର୍ଥ ପାଇଁ ଏହି ବିଲ୍ ପ୍ରତ୍ୟାହାର କରିବାକୁ ଦଳ ଦାବି କରିଛି। ଚଳିତ ବର୍ଷ ଅଗଷ୍ଟରେ ସଂସଦରେ ରଖାଯାଇଥିବା ଏହି ବିଲ୍ ବର୍ତ୍ତମାନ ସଂସଦୀୟ କମିଟି (ଜେପିସି) ଦ୍ୱାରା ସମୀକ୍ଷା କରାଯାଉଛି। ସଂସଦର ଏହି ଶୀତକାଳୀନ ଅଧିବେଶନରେ ଏହାକୁ ଗୃହରେ ରଖାଯିବ ବୋଲି ଆଶା କରାଯାଉଛି। ବିଜେଡି ରାଜ୍ୟ ସଭା ସଦସ୍ୟ ତଥା ଦଳର, ରାଜ୍ୟ ସଂଖ୍ୟାଲଘୁ ଶାଖା , ମୁଖ୍ୟ ମୁଜିବୁଲ୍ଲା ଖାନ କହିଛନ୍ତି ଏହି ପ୍ରସଙ୍ଗରେ ସେମାନଙ୍କ ଦଳ ସଂସଦରେ ତୀବ୍ର ବିରୋଧ କରିବ ଏବଂ ୱାକଫ ସଂଶୋଧନ ବିଲ୍ ଗୃହରେ ପାରିତ ହେବାକୁ ଦେବ ନାହିଁ।
ଏହି ବିକ୍ଷୋଭର ନେତୃତ ନେଉଥିବା ଖାନ ବିଲକୁ ‘ମୁସଲିମ ବିରୋଧୀ’ ବୋଲି ବର୍ଣ୍ଣନା କରି , ବିଲରେ ପ୍ରସ୍ତାବିତ 44 ଟି ସଂଶୋଧନ ମାଧ୍ୟମରେ ୱାକଫ ସମ୍ପତ୍ତି ହଡପ କରିବାକୁ ଲକ୍ଷ୍ୟ ରଖାଯାଇଛି ବୋଲି ଅଭିଯୋଗ କରିଛନ୍ତି । ଦଳର ଵିଲ ପ୍ରସଙ୍ଗରେ , ସେମାନଙ୍କ ଦାବିକୁ ଜିଲ୍ଲା କଲେକ୍ଟରଙ୍କ ମାଧ୍ୟମରେ ଭାରତର ରାଷ୍ଟ୍ରପତିଙ୍କୁ ଏକ ସ୍ମାରକପତ୍ର ଦାଖଲ କରିଛି। ଏହି ସ୍ମାରକପତ୍ରରେ ୱାକଫ ଆକ୍ଟ, 1995 ରେ ପ୍ରସ୍ତାବିତ ସଂଶୋଧନକୁ ନେଇ କେତେକ ଗୁରୁତ୍ୱପୂର୍ଣ୍ଣ ପରାମର୍ଶ ଏବଂ ଚିନ୍ତାଧାରା ଉପରେ ଆଲୋକପାତ କରାଯାଇଛି। ଏହି ବିକ୍ଷୋଭକୁ ସମ୍ବୋଧିତ କରୁଥିବା ଅନେକ ନେତା ଚେତାବନୀ ଦେଇଛନ୍ତି ଯେ ୱାକଫ ବିଲରେ ପ୍ରସ୍ତାବିତ ସଂଶୋଧନ ସମ୍ପ୍ରଦାୟକୁ ବିଭାଜନ କରି ସାମ୍ପ୍ରଦାୟିକ ଉତ୍ତେଜନା ସୃଷ୍ଟି କରିବ।
ରାଜ୍ୟ ୱାକଫ ବୋର୍ଡର ପୂର୍ବତନ ଅଧ୍ୟକ୍ଷ ସୟଦ ଏକରାମ ହୁସେନ କହିଛନ୍ତି ଦେଶରେ ବର୍ଷେ ମଧ୍ୟରେ ଏକ ସର୍ଭେ କରି ମୋଟ ପ୍ରକୃତ ୱାକଫ୍ ସମ୍ପତ୍ତି ଜାଣିବା ପାଇଁ ସଂସଦ 2013 ରେ ୱାକଫ ଆକ୍ଟରେ ସଂଶୋଧନ ଆଣିଛି। ଏହି ସଂଶୋଧନ ଏକ ଧାରାଥିଲା ସର୍ଭେ ସଂପୂର୍ଣ୍ଣ କରିବାରେ ବିଳମ୍ବ ପାଇଁ ଜିଲ୍ଲା କଲେକ୍ଟର ଦାଇ ରହିବେ ଓ ଆର୍ଥିକ ଦଣ୍ଡର ସମ୍ମୁଖିନ ହେବେ। ତେବେ ସେ ଦୁଖ ପ୍ରକାଶ କରିଛନ୍ତି ସେହି ସଂଶୋଧନର 11 ବର୍ଷ ପରେ ମଧ୍ୟ ଦେଶର ମୋଟ ୱାକଫ ସମ୍ପତ୍ତି ଚିହ୍ନଟ ପାଇଁ ଏହି ସର୍ଭେ କରାଯାଇ ନାହିଁ। ସେ କହିଛନ୍ତି ୱାକଫ ପରିଷଦ / ବୋର୍ଡରେ ଅଣ ମୁସଲମାନ ତଥା ଜିଲ୍ଲା କଲେକ୍ଟରଙ୍କୁ ଅନ୍ତର୍ଭୁକ୍ତ କରିବା ଉଦ୍ୟମ ଜମି ମାଫିଆକୁ ୱାକଫ ସମ୍ପତ୍ତି ହାତେଇ ବାକୁ ସୁହାଇଵ ।
ପୂର୍ବତନ ମନ୍ତ୍ରୀ ପ୍ରଫୁଲ୍ଲ ସାମଲ, ପୂର୍ବତନ ସାଂସଦ ପ୍ରଦିପ ମାଝି, ରାଜ୍ୟ ୱାକଫ ବୋର୍ଡର ପୂର୍ବତନ ପ୍ରଶାସକ ଶେଖ ନିଜାମୁଦ୍ଦିନ, ଭଦ୍ରକ ମ୍ୟୁନସିପାଲଟିର ଚେୟାରମେନ ଶ୍ରୀମତୀ ଗୁଲମାକି, ବିଜେଡି ନେତା ସୋଫିଆ ଆଲାମ ମହମ୍ମଦ ମୋବିନ, ଶେଖ ବାବୁ, ଶେଖ ଜଲାଲ , ଶେଖ ଫାରୁକ ଏବଂ ମଦନୀ ସାହେବ ପ୍ରମୁଖ ଅନ୍ୟମାନଙ୍କ ମଧ୍ୟରେ ବିକ୍ଷୋଭର ନେତୃତ୍ୱ ନେଇଥିଲେ । ଦଳର ନେତା ତଥା ସମର୍ଥକମାନେ ସେମାନଙ୍କ ଦାବିକୁ ସମର୍ଥନ କରି ସହରରେ ଏକ ରାଲି କରିବା ପରେ ଏହି କାର୍ଯ୍ୟକ୍ରମରେ ଯୋଗ ଦେଇଥିଲେ। ୱାକଫ ବିଲ୍ ଉପରେ ଗଠିତ ସଂସଦୀୟ କମିଟି ନିକଟରେ ଓଡିଶା ଗସ୍ତକରି ଅନେକ ପ୍ରମୁଖ ଲୋକଙ୍କୁ ଭେଟି ଆଲୋଚନା ଓ ପରାମର୍ଶ ଗ୍ରହଣ କରିବା ପରେ ଏହି ସବୁ ବିକାଶ ଘଟିଥିଲା ।
ଶାଶକ ବିଜେପିର, ବିଜେଡିକୁ ସମାଲୋଚନା :
ୱାକଫ ବିଲ୍ ପ୍ରସଙ୍ଗରେ ବିଜେଡିର ବିରୋଧକୁ ସମାଲୋଚନା କରି ବିଜେପି ରାଜ୍ୟ ସଂଖ୍ୟାଲଘୁ ୱିଙ୍ଗ୍ ମୁଖ୍ୟ ସିକନ୍ଦର ଅଲି କହିଛନ୍ତି ବିରୋଧୀ ବିଜେଡି ବିଲ ଉପରେ ଭିତ୍ତିହୀନ ମନ୍ତବ୍ୟ ଦେଉଛି। ବିଜୁ ଜନତା ଦଳ ସରକାରଙ୍କ କାର୍ଯ୍ୟକାଳ ସମୟରେ ରାଜ୍ୟର କେତେକ ସ୍ଥାନରେ ୱାକଫ ସମ୍ପତ୍ତି ବିକ୍ରି ହୋଇଥିବା ସେ ଅଭିଯୋଗ କରିଛନ୍ତି। ଅଲି କହିଛନ୍ତି ଯେ ରାଜ୍ୟ ୱାକଫ ବୋର୍ଡ, ହଜ କମିଟି ପରି ଗୁରୁତ୍ୱପୂର୍ଣ୍ଣ ସଂଖ୍ୟାଲଘୁ ସଂସ୍ଥାଗୁଡ଼ିକ ବିଜେଡି ସରକାର ସମୟରେ ଅବହେଳିତ ହୋଇଛନ୍ତି ଏବଂ ବର୍ଷ ବର୍ଷ ଧରି ସେମାନଙ୍କ କମିଟି ଗଠନ କରାଯାଇ ନାହିଁ। ରାଜ୍ୟ ମାଡ୍ରାସା ବୋର୍ଡ ଏବଂ ଉର୍ଦ୍ଦୁ ଏକାଡେମୀ ମଧ୍ୟ ଅବହେଳାର ସମ୍ମୁଖୀନ ହୋଇଛି । କିନ୍ତୁ ବର୍ତ୍ତମାନ ଦଳ ଏହି ପ୍ରସଙ୍ଗରେ ପାଲଟା ଶ୍ରେୟ ନେବାକୁ ଚେଷ୍ଟା କରୁଛି।
