୧୩ ଦିନ ପରେ ମଧ୍ୟ ବୋଟ ଓ ୭୮ ମତ୍ସ୍ୟଜୀବୀ ପାରାଦୀପରେ ଅଛନ୍ତି
ପାରାଦୀପ: ଭାରତୀୟ ତଟରକ୍ଷୀ ବାହିନୀ (କୋଷ୍ଟଗାର୍ଡ)ଚଳିତ ମାସ ଗତ ୯ ତାରିଖରେ ଭାରତୀୟ ସମୁଦ୍ର ସୀମା ମଧ୍ୟରେ ଫିଶିଂ କରୁଥିବା ଦୁଇଟି ବାଂଲାଦେଶ ମାଛଧରା ବୋଟ ଧରି ପାରାଦୀପ ଆଣିଥିଲେ।ସେଥିରେ ୭୮ ଜଣ ମତ୍ସ୍ୟଜୀବୀ ଅଛନ୍ତି।ଏହାମଧ୍ୟରେ ୧୬ ଦିନ ବିତି ଯାଇଥିଲେ ମଧ୍ୟ ଦୁଇ ମାଛଧରା ବୋଟ ପାରାଦୀପ ଛାଡି ନାହାଁନ୍ତି।ସେଥିରେ ୭୮ ଜଣ ଅଛନ୍ତି।ତାଙ୍କୁ କୋଷ୍ଟଗାର୍ଡ ଜଗି ରହିଛି।ଭାରତ ସରକାରଙ୍କ ପକ୍ଷରୁ କ୍ଲିୟରାନ୍ସ ମିଳି ନ ଥିବାରୁ ବୋଟ ଛଡାଯାଇନାହିଁ ବୋଲି କୁହାଯାଇଛି।କିନ୍ତୁ କୋଷ୍ଟଗାର୍ଡ ମୁଖ୍ୟାଳୟ ପକ୍ଷରୁ କୌଣସି ସୂଚନା ଦିଆଯାଇନାହିଁ।ସେମାନେ ସେମିତି ବୋଟ ମଧ୍ୟରେ ରହିଛନ୍ତି।ବୋଟ ମଧ୍ୟରେ ୧୬୦ ଟନ୍ ମାଛ ମଧ୍ୟ ରହିଛି।ସୂଚନାଯୋଗ୍ୟ ଗତ ୯ ତାରିଖରେ କୋଷ୍ଟଗାର୍ଡ ପାଟ୍ରୋଲିଂ ଜାହାଜ ଅମୋଘ ଦୁଇ ବୋଟକୁ ଠାବ କରି ପାରାଦୀପ ଆଣିଥିଲେ।ଏବଂ ୧୦ ତାରିଖରେ ବାଂଲାଦେଶ ବୋଟ ଜବତ ଘଟଣା ଉପରେ ସବିଶେଷ ସୂଚନା ଦେଇଥିଲେ।୧୧ ତାରିଖରେ ୭୮ ବାଂଲାଦେଶୀ ମାନଙ୍କୁ ଆଣି ପାରାଦୀପ ଆଦର୍ଶଥାନାରେ ଜିମା ଦିଆଯାଇଥିଲା।ପୋଲିସ କୋର୍ଟ ଚାଲାଣ କରିବା ପୂର୍ବରୁ ସରକାର ସେମାନଙ୍କୁ ଛାଡିବେ ବୋଲି ବାର୍ତ୍ତା ଆସିଥିଲା।ପୁଣି କୋଷ୍ଟଗାର୍ଡ ବାଂଲାଦେଶୀ ଧୀବରଙ୍କୁ ନେଇ ବୋଟ ମଧ୍ୟରେ ଛାଡିଥିଲେ।ସେତେବେଳେ କୁହାଗଲା ବାଂଲାଦେଶ ଆମର କେତେକ ମତ୍ସ୍ୟଜୀବୀଙ୍କୁ ଛାଡିବେ ଏବଂ ଭାରତ ସରକାର ଏହି ୭୮ ଜଣଙ୍କୁ ଛାଡିବେ।ଏହାମଧ୍ୟରେ ୧୩ ଦିନ ବିତି ଯାଇଥିଲେ ହେଁ ସରକାରୀ କ୍ଲିୟରାନ୍ସ ମିଳିନାହିଁ।ସମ୍ପ୍ରତି ଭାରତ ଓ ବାଂଲାଦେଶ ମଧ୍ୟରେ କୂଟନୈତିକ ସମ୍ପର୍କ ତିକ୍ତତା ମଧ୍ୟରେ ଥିବା ଜଣାଯାଏ।ସରକାର ବାଂଲାଦେଶ ପୂର୍ବତନ ରାଷ୍ଟ୍ରପତି ଶେଖ ହାସିନାଙ୍କୁ ରାଜନୈତିକ ଶରଣ ଦେବା ଯୋଗୁଁ ସେଠାରେ ହିନ୍ଦୁ ସଂଖ୍ୟାଲଘୁ ଙ୍କ ଉପରେ ଆକ୍ରମଣ ହେଉଥିବା ଅଭିଯୋଗ ହେଉଛି।ଏମିତି ମଧ୍ୟରେ ବାଂଲାଦେଶ ବୋଟ ମେଘନା ଓ ଲୈଲା ଅନିଶ୍ଚିତତା ମଧ୍ୟରେ ରହିଛି।
