ଭୁବନେଶ୍ବର: ଓଡ଼ିଶାର ଏକମାତ୍ର ତ୍ରିଭାଷୀ ଦୈନିକ ଖବର କାଗଜ ‘ବିଶ୍ବବାଣୀ‘ର ବିଂଶତମ ବାର୍ଷିକ ଉତ୍ସବ ଭୁବନେଶ୍ଵର ଜୟଦେବ ଭବନ ଠାରେ ଅନୁଷ୍ଠିତ ହୋଇଯାଇଛି। ଉକ୍ତ ଉତ୍ସବରେ ଅଧ୍ୟକ୍ଷତା କରିଥିଲେ ସନତ ମିଶ୍ର। ମୁଖ୍ୟ ଅତିଥି ଭାବେ ରାଜସ୍ବ ବିଭାଗ ମନ୍ତ୍ରୀ ସୁରେଶ ପୁଝାରୀ କହିଲେ ଯେ ସତ୍ ପଥରେ ଯାଉଥିବା ବ୍ୟକ୍ତି ମାନେ ସବୁବେଳେ କଣ୍ଟକିତ। ତେଣୁ ସମ୍ୱାଦପତ୍ର ରାସ୍ତାରେ କିଭଳି କୁସୁମିତ ହେବ ମୁଖ୍ୟ ବକ୍ତା ଭାବେ ଯୋଗାଣ ମନ୍ତ୍ରୀ କୃଷ୍ଣ ପାତ୍ର ନିଜ ବକ୍ତବ୍ୟରେ କହିଲେ ଯେ, ରାଜ୍ୟର ସମସ୍ତ ସାମ୍ୱାଦିକ ମାନଙ୍କୁ ରାସନ କାର୍ଡ ଯୋଗାଇ ଦେବା ପାଇଁ ମୁଁ ଉଦ୍ୟମ କରୁଛି। ଖୁବ ଶିଘ୍ର ସବୁ ସାମ୍ୱାଦିକ ମାନଙ୍କୁ ଏଥିରେ ସାମିଲ କରାଯିବ। ଗୃହ ଓ ନଗର ଉନ୍ନୟନ ମନ୍ତ୍ରୀ ଡଃ କୃଷ୍ଣ ଚନ୍ଦ୍ର ମହାପାତ୍ର କହିଲେ ଯେ, ଛପା ଗଣ ମାଧ୍ୟମ ମଣିଷ ସମାଜ ପାଇଁ ଅପରିହାର୍ଯ୍ୟ। ସୂର୍ଯ୍ୟ ଚନ୍ଦ୍ର ଥିବା ପର୍ଯ୍ୟନ୍ତ ଛପା ଗଣ ମାଧ୍ୟମ ରହିବ। ସମ୍ମାନୀତ ଅତିଥି ଭାବେ ଯୋଗଦେ ସ୍କୁଲ ଓ ଗଣ ଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ କହିଲେ ଯେ ରାଜ୍ୟରୁ ତିନୋଟି ଭାଷାରେ ପ୍ରକାଶିତ ବିଶ୍ଵବାଣୀ ପରିବାର ନିଶ୍ଚିତ ଧନ୍ୟବାଦର ପାତ୍ର। ଏହି ଉସବରେ ଅନ୍ୟତମ ଅତିଥି ଭାବେ ଯୋଗଦେଇଥିବା ବ୍ୟକ୍ତି ବିଶେଷ ହେଲେ ଖୋର୍ଦ୍ଧା ବିଧାୟକ ପ୍ରଶାନ୍ତ ଜଗଦେବ, ଏକାମ୍ର ବିଧାୟକ ବାବୁ ସିଂ, ଭୁବନେଶ୍ଵର ମହାନଗର ନିଗମ ମେୟର ସୁଲୋଚନା ଦାସ, ଚିକିଟି ବିଧାୟକ ମନୋରଞ୍ଜନ ଦ୍ୟାନ ସାମନ୍ତରାୟ, ପୁର୍ବତନ ବିଜେପି ରାଜ୍ୟ ସଭାପତି ସମୀର ମହାନ୍ତି, ବିଜେପି ନେତା ପୂର୍ଣ୍ଣଚନ୍ଦ୍ର ମଲ୍ଲିକ, ବିଜେପି ନେତା ମହେଶ ମହାନ୍ତି, ବିଜେପି ନେତା ଗୌତମ ବେହେରା, ପ୍ରାକ୍ତନ ଆୟକର ପ୍ରଧାନ ଆୟୁକ୍ତ ଶରତ ଦାଶ, ସୁପ୍ରିମ କୋର୍ଟ ଆଇନଜିବୀ ନିର୍ଭୟ ସାମନ୍ତରାୟ, ଆଇଓୟୁଡବ୍ଲୁଜେ ସଭାପତି ଡଃ ପିତବାସ ମିଶ୍ର, ଓୟୁଡବ୍ଲୁଜେ ରାଜ୍ୟ ସଭାପତି ଭାଗବତ ତ୍ରିପାଠୀ, ବିଶ୍ଵବାଣୀର ବାର୍ତ୍ତା ସଂପାଦକ ଜ୍ଞାନ ରଞ୍ଜନ ଦାସ, ବିଶ୍ଵବାଣୀର ସଂପାଦକ ଅର୍ଜୁନ ମୁଦୁଲି ସଂପାଦକୀୟ ବିବରଣୀ ପାଠ କରିବା ସହ ସମସ୍ତ ଅତିଥି ମାନଙ୍କୁ ଧନ୍ୟବାଦ ଦେଇଥିଲେ। ଶେଷରେ ରାଜ୍ୟର ପ୍ରତିଷ୍ଠିତ ବ୍ୟକ୍ତି ବିଶେଷଙ୍କୁ ସମ୍ୱର୍ଦ୍ଧିତ କରାଯାଇଥିଲା।
