ନୂଆପଡ଼ା ୭।୭: ପୁଣି ମାଓ ଡମ୍ପ ଠାବ । ନୂଆପଡା ଜିଲ୍ଲା ବୋଡେନ ଥାନା ପାଟଧରା ଜଙ୍ଗଲ ବରପାଟ ଡ଼ଙ୍ଗରରେ ଠାବ ହୋଇଛି ମାଓ ଡମ୍ପ । DVF ଏବଂ CRPFର ମିଳିତ ସର୍ଚ୍ଚ ଅପରେସନ ବେଳେ ଏହାକୁ ଠାବ କାରାଯାଇଛି ।
କୌଣସି ସୂତ୍ରରୁ ଖବର ପାଇ ପାଟଧରା ଜଙ୍ଗଲ ଭିତରେ ସର୍ଚ୍ଚ ଅପରେସନ ଚଳାଇଥିଲେ ମିଳିତ ଟିମ୍ । ମାଓ କ୍ୟାମ୍ପ ରୁ ବିପୁଳ ନକ୍ସଲ ବ୍ୟବହୃତ ସାମଗ୍ରୀ ଠାବ ହୋଇଛି । ଦୁଇ ଗୋଟି ଦେଶୀ ବନ୍ଧୁକ, ଗୋଟିଏ କାରବାଇନ, ଦୁଇ ଟିଫିନ ବୋମା, ୮୩ ଗୁଳି, ଜିଲେଟିନ, ବ୍ୟାଟେରୀ, ଗନ ପାଉଡ଼ର, ତାର, ମେଡ଼ିସିନ ସହ ପୁସ୍ତିକା ଜବତ ହୋଇଛି । ସାମ୍ବାଦିକ ସମ୍ମିଳନୀରେ ଏନେଇ ସୂଚନା ଦେଇଛନ୍ତି ନୂଆପଡା SP ଅମ୍ରିତପାଳ ସିଂ ।
ମାର୍ଚ୍ଚ ୩୧ ନୂଆପଡା ଜିଲ୍ଲା ମାଓମୁକ୍ତ ଘୋଷଣା ହୋଇଥିଲା । ସାଧାରଣ ଜନତାଙ୍କର ଯେଭଳି କୌଣସି କ୍ଷତି ନହୁଏ ସେଥିପାଇଁ ମାଓବାଦୀ ଲୁଚାଇ ରଖିଥିବା ବିସ୍ଫୋରକ ସାମଗ୍ରୀକୁ ଖୋଜି ଖୋଜି ଉଦ୍ଧାର କରାଯାଉଛି ।
