ପୁରୀ, 17 ଜୁଲାଇ 2026: ପବିତ୍ର ଶ୍ରୀଜଗନ୍ନାଥ ରଥଯାତ୍ରା ଅବସରରେ ଭକ୍ତମାନେ କେବଳ ମହାପ୍ରଭୁ ଶ୍ରୀଜଗନ୍ନାଥ, ବଳଭଦ୍ର ଓ ଦେବୀ ସୁଭଦ୍ରାଙ୍କ ଦର୍ଶନରେ ସୀମିତ ନ ରହି ପରିବେଶ ସୁରକ୍ଷା ପ୍ରତି ମଧ୍ୟ ସଚେତନତାର ପରିଚୟ ଦେଇଛନ୍ତି। ଲକ୍ଷାଧିକ ଶ୍ରଦ୍ଧାଳୁ ପୃଥିବୀ ମା ପ୍ରତି ନିଜର ଦାୟିତ୍ୱକୁ ବୁଝି ପରିବେଶ ଅନୁକୂଳ ବ୍ୟବସ୍ଥାକୁ ଆପଣାଇଛନ୍ତି।
ରଥଯାତ୍ରା ମାର୍ଗର ବିଭିନ୍ନ ସ୍ଥାନରେ ଭକ୍ତମାନଙ୍କୁ ପରିବେଶ ଅନୁକୂଳ ପରିବେଶ ଉପଯୋଗୀ ଥାଳିରେ ଖାଦ୍ୟ ଓ ଜଳଖିଆ ବଣ୍ଟନ କରାଯାଉଛି। ରଥଯାତ୍ରାର ପ୍ରଥମ ଦିନରେ ହଜାର ହଜାର ଭୋଜନ ଏହି ସମ୍ପୂର୍ଣ୍ଣ ମାଟିରେ ମିଶି ଯାଉଥିବା ଥାଳିରେ ପରିବେଷଣ କରାଯାଇଥିଲା। ଏହା ଭକ୍ତମାନଙ୍କ ମଧ୍ୟରେ ପରିବେଶ ସୁରକ୍ଷା ପ୍ରତି ବଢ଼ୁଥିବା ସଚେତନତାର ଏକ ସୁନ୍ଦର ଉଦାହରଣ।
ଚଳିତ ବର୍ଷର ରଥଯାତ୍ରା ପାଇଁ ରିଲାଏନ୍ସ ଫାଉଣ୍ଡେସନ ପକ୍କା ଲିମିଟେଡ୍ର କମ୍ପୋଷ୍ଟଯୋଗ୍ୟ ଟେବୁଲୱେୟାର ବ୍ରାଣ୍ଡ ଚୁକ୍ ସହିତ ମିଳିତ ଭାବେ ୭ ଲକ୍ଷରୁ ଅଧିକ ଭକ୍ତଙ୍କୁ ବାଗାସ (ଆଖୁ ଛେଦା)ରୁ ପ୍ରସ୍ତୁତ ପରିବେଶ ଅନୁକୂଳ ଥାଳିରେ ଭୋଜନ ପରିବେଷଣ କରୁଛି।
ଚୁକ ପକ୍ଷରୁ ପ୍ରସ୍ତୁତ ଏହି ଥାଳିଗୁଡ଼ିକ କେବଳ ଭକ୍ତଙ୍କ ଭୋଜନକୁ ସମ୍ମାନର ସହ ପରିବେଷଣ କରେ ନାହିଁ, ବରଂ ବ୍ୟବହାର ପରେ ସମ୍ପୂର୍ଣ୍ଣ ଭାବେ ମାଟିରେ ମିଶିଯାଇ ପ୍ରାକୃତିକ ସାରରେ ପରିଣତ ହୋଇଥାଏ। ଏହା ଫଳରେ ପ୍ଲାଷ୍ଟିକ ବର୍ଜ୍ୟ ପରି ଦୀର୍ଘଦିନ ପର୍ଯ୍ୟନ୍ତ ପରିବେଶକୁ ପ୍ରଦୂଷିତ କରେ ନାହିଁ। ସମସ୍ତେ ଭଗବାନଙ୍କ ସମ୍ମୁଖରେ ସମାନ—ରଥଯାତ୍ରାର ଏହି ମୂଳ ବାର୍ତ୍ତାକୁ ଆହୁରି ବିସ୍ତାର କରି ପ୍ରକୃତି, ନଦୀ ଓ ପରିବେଶ ପ୍ରତି ସମାନ ସମ୍ମାନ ପ୍ରଦର୍ଶନ କରୁଛି ଏହି ପଦକ୍ଷେପ।
ପକ୍କା ଲିମିଟେଡ୍ ର ଫୁଡ୍ ସର୍ଭିସ ବିଜନେସ୍ ହେଡ୍ ଶୁଭମ ତିବ୍ରେୱାଲ କହିଛନ୍ତି, “ଭକ୍ତମାନେ ଯେପରି ଭକ୍ତିଭାବରେ ପ୍ରଭୁଙ୍କ ଆରାଧନା କରୁଛନ୍ତି, ସେହିପରି ପୃଥିବୀର ଯତ୍ନ ନେଉଥିବା ଦେଖିବା ଆମ ପାଇଁ ଅତ୍ୟନ୍ତ ଭାବପ୍ରବଣ ଅନୁଭୂତି। ଆଖୁ ଛେଦାରୁ ପ୍ରସ୍ତୁତ ଏହି ଥାଳିରେ ଭୋଜନ କରିବା ମଧ୍ୟ ପ୍ରକୃତି ପ୍ରତି ଏକ ଛୋଟ ପ୍ରାର୍ଥନା ସଦୃଶ, କାରଣ ବ୍ୟବହାର ପରେ ଏହି ଥାଳି ପୁଣି ମାଟିରେ ମିଶିଯାଏ। ଲକ୍ଷାଧିକ ଭକ୍ତ ଏହି ପରିବେଶ ଅନୁକୂଳ ପଦକ୍ଷେପକୁ ଗ୍ରହଣ କରିଥିବାରୁ ଆମେ ଗର୍ବିତ ଓ ସେବା କରିପାରିଥିବାରୁ କୃତଜ୍ଞ।”
