ଝାରସୁଗୁଡ଼ା ବନହରପାଲି ସ୍ଥିତି ଓପିଜିସିର ତାପଜ ବିଦ୍ୟୁତ ପ୍ରକଳ୍ପର ପାଉଶ । ପରିବହନ ଏବେ ଅଞ୍ଚଳବାସୀଙ୍କ ପାଇଁ ଚିନ୍ତାର କାରଣ ହୋଇଛି । ପ୍ରକଳ୍ପ ସଂଲଗ୍ନ ଥିବା ଆଶପଣ୍ଡ ଏବଂ ତିଲିଆ ପାର୍ଶ୍ଵବର୍ତ୍ତୀ ଆଶପଣ୍ଡରୁ ଭାରୀଯାନ ଯୋଗେ ସଡ଼କ ପଥରେ ପାଉଁଶ ପରିବହନକୁ ନେଇ ଟ୍ରାଫିକ ନିୟମ ଉଲ୍ଲଙ୍ଘନ ଦେଖିବାକୁ ମିଳୁଛି। ପରିବହନ କ୍ଷମତାର ଦୁଇଗୁଣ ପରିମାଣର ପାଉଁଶ ଭାରୀଯାନ ଗୁଡ଼ିକରେ ରମେଲା ସେତୁ ଦେଇ ପରିବହନ ହେଉଛି । ଯାହା ବନହରପାଲି -ରେଙ୍ଗାଲି ରାସ୍ତା ଏବଂ ରମେଲା ସେତୁର ସ୍ଥାୟିତ୍ଵ ଉପରେ ପ୍ରଶ୍ନ ଚିହ୍ନ ଲଗାଇଛି। ଅନ୍ୟପକ୍ଷରେ ଏହି ରାସ୍ତାରେ ଦୁର୍ଘଟଣା ପ୍ରବଣତା ଅତି ମାତ୍ରାରେ ବୃଦ୍ଧି ପାଇ ଚାଲିଥିବାରୁ ଅଞ୍ଚଳବାସୀ ପ୍ରତିକ୍ରିୟାଶୀଳ ହୋଇ ଉଠିଛନ୍ତି। ଓପିଜିସି କର୍ତ୍ତୃପକ୍ଷଙ୍କ ଖାମଖିଆଲି ମନୋଭାବ ଯୋଗୁଁ ଓଭରଲୋଡିଂକୁ ପ୍ରୋତ୍ସାହନ ମିଳିବାରେ ଲାଗିଛି । ପରିବହନ ବିଭାଗର ନିଷ୍କ୍ରିୟତାର ଫାଇଦା ଉଠାଇ ଟ୍ରାନ୍ସପୋର୍ଟରମାନେ ଏଭଳି ଓଭରଲୋଡିଂ କରି ମୁନାଫା କରି ଚାଲିଛନ୍ତି।
ରମେଲା ସେତୁ ଦେଇ ପ୍ରତ୍ୟହ ପ୍ରାୟ ବାର ଶହରୁ ଅଧିକ ସଂଖ୍ୟକ ଶିଳ୍ପ ସଂସ୍ଥାଙ୍କ ଭାରୀଯାନ ଚଳାଚଳ କରୁଛି। ଓପିଜିସି ପ୍ରକଳ୍ପରୁ ନିର୍ଗତ ଫ୍ଲାଇଆଶକୁ ?ଏହି ସେତୁ ଦେଇ ପଡ଼ୋଶୀ ସମ୍ବଲପୁର ଜିଲ୍ଲା ସମେତ ରାଜ୍ୟର ଅନ୍ୟ ଅଞ୍ଚଳକୁ ପରିବହନ ହେଉଛି । ଏହି ସେତୁ ଦେଇ ଅନ୍ୟ ଶିଳ୍ପ ସଂସ୍କାର କୋଇଲା ଓ ପାଉଁଶ ପରିବହନ ମଧ୍ୟ ହେଉଛି ।
ହେଲେ ଏହି ଶିଳ୍ପ ବର୍ଜ୍ୟ ଓ କଞ୍ଚାମାଲ ପରିବହନ ନେଇ ଚାଲିଥିବା ପ୍ରତିଯୋଗିତାମୂଳକ ସ୍ଥିତି ଭିତରେ ରାଜ୍ୟ ତଥା ରାଜ୍ୟ ବାହାରର ବହୁ ଘରୋଇ ସଂସ୍ଥା ପରିବହନ କାର୍ଯ୍ୟ କରୁଛନ୍ତି। ସବୁଠାରୁ ଆଶ୍ଚର୍ଯ୍ୟଜନକ ହେଉଛି ଏହି ବ୍ୟବସାୟରେ ରାଜନୈତିକ ବ୍ୟକ୍ତିଙ୍କୁ ଥଇଥାନ କରିବାକୁ ଯାଇ ଏବେ କଂପାନୀ ଗୁଡ଼ିକ ନିଜ ପାଇଁ ଅଡୁଆ ସୃଷ୍ଟି କରି ଚାଲିଛନ୍ତି। ଯେଉଁଠାରେ ତିରିଶ ଟନ ପର୍ଯ୍ୟନ୍ତ ମାଲ ପରିବହନ କ୍ଷମତା ରହିଛି ସେଠାରେ ଦୁଇ
ଗୁଣ ଅର୍ଥାତ ୬୦ ଟନ ପର୍ଯ୍ୟନ୍ତ ମାଲ ପରିବହନ କରାଯାଉଛି। ଏଥିସହ ତାରପୋଲିନ ନାମକୁ ମାତ୍ର ଘୋଡ଼େଇବା ଦେଖାଯାଉଛି। ତାରପୋଲିନ ଠିକ ଭାବେ ଢଙ୍କା ନ ଯିବାରୁ ରାସ୍ତାରେ ଏବଂ ସେତୁ ଉପରେ ପାଉଁଶ ଏବଂ କୋଇଲା ଗୁଣ୍ଡ ପଡ଼ି ସାଂଘାତିକ ବାୟୁ ପ୍ରଦୂଷଣ ସୃଷ୍ଟି କରୁଛି। ଯାହାକି ସମସ୍ୟା ଓ ଦୁର୍ଘଟଣା ପ୍ରବଣତା ବୃଦ୍ଧିକୁ ରୋକିବା
ଓ କାର୍ ତଥା ଅନ୍ୟାନ୍ୟ ଯାନବାହାନ ଯୋଗେ ଯାତାୟାତ କରିବା ଅତ୍ୟନ୍ତ ବିପଦପୂର୍ଣ୍ଣ ହୋଇଛି। ନିୟମିତ ଅନ୍ତରାଳରେ ଦୁର୍ଘଟଣା ଘଟି ଧନଜୀବନ ହାନୀ ଘଟୁଥିବାରୁ ଅଞ୍ଚଳବାସୀଙ୍କ ମଧ୍ୟରେ ଶିଳ୍ପ ଭାରୀଯାନ ଗୁଡ଼ିକରେ ବେଆଇନ ଭାବେ ଓଭରଲୋଡିଂ ପରିବହନ ଓ ଅନିୟନ୍ତ୍ରିତ ବେଗରେ
ଚଳାଚଳକୁ ତୀବ୍ର ବିରୋଧ କରାଯାଉଛି । ସାମାଜିକ କର୍ମୀ ବିରଞ୍ଚି ସାହୁଙ୍କ
ଅଞ୍ଚଳବାସୀ ସେମାନଙ୍କ ଜୀବନ କାହିଁକି ଦେବେ । ପ୍ରଶାସନ ତୁରନ୍ତ ଓଭରଲୋଡିଂ ବନ୍ଦ କରିବା ସହ ରମେଲା ସେତୁ ରାସ୍ତାରେ ଶିଳ୍ପ ଭାରୀଯାନ ଚଳାଚଳ ନେଇ ଲାଗୁ କରିଥିବା କଟକଣାକୁ ଠିକ ଭାବେ : ପାଳନ କରିବା ସହ କଟକଣାକୁ ଆଗକୁ ମଧ୍ୟ ଜାରି ନ ରଖିବାକୁ ସେ ଦାବି କରିଛନ୍ତି ।
ଏନେଇ ଏସପି ଗୁଣ୍ଡଲା ରାଘବେନ୍ଦ୍ର ରେଡ୍ଡିଙ୍କୁ ? ପଚରା ଯିବାରୁ ଏହି ରାସ୍ତାରେ ଓଭରଲୋଡିଂସମସ୍ୟା ଓ ଦୁର୍ଘଟଣା ପ୍ରବଣତା ବୃଦ୍ଧିକୁ ରୋକିବା ନେଇ ଜିଲ୍ଲା ପୁଲିସ ପ୍ରଶାସନ ଗୁରୁତ୍ଵର ସହ ପଦକ୍ଷେପ ନେଉଛି। ଖୁବଶୀଘ୍ର ପୁଲିସ ଓ ଆରଟିଓଙ୍କ ପକ୍ଷରୁ ଯୁଗ୍ମ ଚଢ଼ଉ କରାଯାଇ ଓଭରଲୋଡିଂ ଏବଂ ବେପରୁଆ ଗାଡ଼ି ଚାଳନାକୁ ରୋକିବା ଦିଗରେ ପଦକ୍ଷେପ ନିଆଯିବ ବୋଲି ଏସପି କହିଛନ୍ତି। ଜିଲ୍ଲାପାଳ କୁଣାଲ ମୋତିରାମ ଚହ୍ମଣ କହିଛନ୍ତି ପ୍ରଶାସନ ପକ୍ଷରୁ ଖୁବଶୀଘ୍ର ରମ୍ପେଲା ସେତୁ ରାସ୍ତାରେ ଯାନବାହାନର ଗତି ମାପିବା ସହ ନିୟନ୍ତ୍ରଣ ରକ୍ଷା ଲାଗି ସ୍ପିଡୋମିଟର ଓ ସିସିଟିଭି କ୍ୟାମେରା ସ୍ଥାପନ କରାଯିବ । ଏହି ରାସ୍ତାରେ ହେଉଥିବା ଦୁର୍ଘଟଣା ଓ ଅନ୍ୟାନ୍ୟ ସମସ୍ୟାକୁ ଦୃଷ୍ଟିରେ ରଖି ସକାଳ ୬ଟାରୁ ରାତ୍ରୀ ୧୦ଟା ଯାଏଁ ଶିଳ୍ପ ଭାରୀଯାନ ଚଳାଚଳ ଉପରେ କଟକଣା ଲାଗୁ କରାଯାଇଛି । ଚଢ଼ଉ କରିବା ଲାଗି ଅତିରିକ୍ତ ବିଭାଗୀୟ କର୍ମଚାରୀଙ୍କୁ ନିୟୋଜିତ କରାଯିବା ପାଇଁ ବିଭାଗକୁ କର୍ମଚାରୀ ଯୋଗାଇବା ଲାଗି କୁହାଯାଇଛି ବୋଲି ଜିଲ୍ଲାପାଳ କହିଛନ୍ତି।
