ଜଟଣୀ : ଜଟଣୀ ଶିକ୍ଷା ମଣ୍ଡଳ ଅଧିନସ୍ଥ ସୁଶୀଳା ଦେବୀ ପ୍ରଗତି ସରକାରୀ ଉଚ୍ଚ ବିଦ୍ୟାଳୟ, ବାଛରା ପଟଣା ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ରଶ୍ମି ବାଳା ପରିଡାଙ୍କ ନେତୃତ୍ୱରେ ଦୁଇଦିନିଆ ପ୍ରାଥମିକ ଏବଂ ମାଧ୍ୟମିକ “ମଣ୍ଡଳସ୍ତରୀୟ କୁଇଜ୍ ପ୍ରତିଯୋଗିତା” ଯାହା “ରାଷ୍ଟ୍ରୀୟ ଆବିଷ୍କାର ଅଭିଯାନ ୨୦୨୩-୨୪” ଅନୁଷ୍ଠିତ ହୋଇଯାଇଛି। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ପୋୖରାଧ୍ୟକ୍ଷ ଶ୍ରୀଯୁକ୍ତ ଅନନ୍ତ ବେହେରା ମୁଖ୍ୟ ବକ୍ତା ବିଶିଷ୍ଟ ଶିକ୍ଷାବିତ ବ୍ରଜବନ୍ଧୁ ନାୟକ ସଂମାନିତ ଅତିଥି ଶିକ୍ଷକ ପ୍ରଶିକ୍ଷିକା ଶ୍ରୀମତୀ ବୀଣା ପାଣି ପାଢ଼ୀ ପ୍ରମୁଖ ଯୋଗ ଥିଲେ ।ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ତଥା ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀ ପୂର୍ଣ୍ଣ ଚନ୍ଦ୍ର ବେହେରା କାର୍ଯ୍ୟକ୍ରମ କୁ ସଫଳତାର ସହିତ ଆୟୋଜନ କରିଥିଲେ । ପ୍ରଥମ ଦିନରେ ପ୍ରାଥମିକ ସ୍ତରୀୟରେ ତୃତୀୟ ରୁ ପଞ୍ଚମ ଶ୍ରେଣୀ (ଉପକନିଷ୍ଠ) ଏବଂ ଷଷ୍ଠ ରୁ ଅଷ୍ଟମ ଶ୍ରେଣୀ(କନିଷ୍ଠ) ବିଭାଗରେ ୧୫୦ ଜଣ ଛାତ୍ରଛାତ୍ରୀ ମାନେ ଭାଗ ନେଇଥିଲେ । ଦ୍ୱିତୀୟ ଦିନରେ ମାଧ୍ୟମିକ ନବମ ଓ ଦଶମ (ବରିଷ୍ଠ) ଶ୍ରେଣୀ ବିଭାଗରେ ୮୦ଜଣ ଛାତ୍ରଛାତ୍ରୀ ଭାଗ ନେଇଥିଲେ।
ଏହି କୁଇଜ୍ ପ୍ରତିଯୋଗିତାରେ ଉପକୃତ ହୋଇଥିବା ବିଭିନ୍ନ ବିଭାଗର ଛାତ୍ରଛାତ୍ରୀ ତଥା ସର୍ବକନିଷ୍ଟ ସ୍ତରରେ ପୂର୍ଣ୍ଣିମା ସାହୁ ପ୍ରଥମ, ଆୟୁଷ ରଂଜନ ବଳିଆରସିଂ ଦ୍ଵତୀୟ, ସୁଶାନ୍ତ କୁମାର ସାହୁ ତୃତୀୟ , କନିଷ୍ଠ ସ୍ତରରେ ଶ୍ରଦ୍ଧାଞ୍ଜଳି ସେଠୀ ପ୍ରଥମ, ଲଷ୍ମୀ ପ୍ରିୟା ଦତ୍ତ ଦ୍ଵତୀୟ, ପ୍ରଜ୍ଞା ପରମିତା ସାହୁ ତୃତୀୟ, ବରିଷ୍ଠ ସ୍ତରରେ ଓଁ ଆଦିତ୍ୟ ବେହେରା ପ୍ରଥମ, ଅନିତା ମହାନ୍ତି ଦ୍ଵତୀୟ, ସୁବାଶିଷ ମହାନ୍ତି ତୃତୀୟ ସ୍ଥାନ ଅଧିକାର କରିବା ସହ ପ୍ରମାଣ ପତ୍ର, ପୁରସ୍କାର ଓ ବିଜୟ ସ୍ମାରକ ଅତିଥି ମାନଙ୍କ ଦ୍ୱାରା ପ୍ରଦାନ କରାଯାଇଥିଲା । ତତ୍ ସଙ୍ଗେ ସମସ୍ତ ଯୋଗ ଦେଇଥିବା ଛାତ୍ରଛାତ୍ରୀମାନଙ୍କୁ ପ୍ରମାଣ ପତ୍ର ସହ ସାଧାରଣ ଜ୍ଞାନ ପୁସ୍ତକ ବଣ୍ଟନ କରାଯାଇଥିଲା ।ଏଥିରେ ଅନ୍ୟତମ ଅତିରିକ୍ତ ଗୋଷ୍ଠୀ ଶିକ୍ଷା ଅଧିକାରୀ ଶ୍ରୀମତୀ ସବିତା ମହାପାତ୍ର କାର୍ଯ୍ୟକ୍ରମ କୁ ତଦାରଖ କରଥିଲେ।
ଏହି କୁଇଜ୍ ପ୍ରତିଯୋଗିତାକୁ କାର୍ଯ୍ୟକ୍ରମକୁ ସମସ୍ତ ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଓ ସଂଯୋଜିକା ତଥା ରଶ୍ମିତା ନାୟକ, ପୁଷ୍ପ ଲତା ପରିଡ଼ା, ମାନଗୋବିନ୍ଦ ସାହୁ, ପ୍ରତାପ ବେହେରା, ସୋମେଶ୍ୱର ରାଓ, ପ୍ରିୟ ରଂଜନ ସାମନ୍ତରାୟ, ଚିତ୍ତରଞ୍ଜନ ମହାପାତ୍ର, ସୁନୀଲ ସାହୁ, ଆକାଶ କୁମାର ମହାନ୍ତି , ବିଜ୍ଞାନ ଶିକ୍ଷକ ଅଜୟ କୁମାର ବରାଳ ଏବଂ ବିଦ୍ୟାଳୟର ସମସ୍ତ ଶିକ୍ଷକ ଶିକ୍ଷୟିତ୍ରୀ ସହଯୋଗରେ ସୁଚାରରୁପେ ସମ୍ପନ୍ନ ହୋଇଥିଲା । ପରିଶେଷରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଶ୍ରୀମତୀ ଦୀପ୍ତି ବାଳା ସାହୁ ଧନ୍ୟବାଦ ଅର୍ପଣ କରିଥିଲେ ।
