ଜଟଣୀ : ଜଟଣୀ ବ୍ଳକ ସ୍ତରୀୟ ଶିଶୁ ମହୋତ୍ସବ “ସୁରଭି” – ୨୦୨୪ ସରକାରୀ ଉଚ୍ଚ ବିଦ୍ୟାଳୟ ଗଙ୍ଗପଡା ଠାରେ ଗୋଷ୍ଠୀ ଶିକ୍ଷାଧିକାରୀ ରଶ୍ମିବାଳା ପରିଡାଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଯାଇଛି। ଆଜିର ଏହି ବ୍ଲକ ସ୍ତରୀୟ ଶିଶୁ ମହୋତ୍ସବ ” ସୁରଭି ୨୦୨୪ “ର ମୁଖ୍ୟ ଅତିଥି ମାନ୍ୟବର ବିଧାୟକ ବିଭୁତି ଭୂଷଣ ବଳବନ୍ତରାୟ, ମୁଖ୍ୟ ବକ୍ତା ବ୍ଳକ ଅଧ୍ୟକ୍ଷା ଜୟନ୍ତୀ ଛୋଟରାୟ, ସମ୍ମାନିତ ଅତିଥି ଗଙ୍ଗପଡା ସରପଞ୍ଚ ସୁଧାଂଶୁ ଶେଖର ମହାରଣା, ବିଜୟ ଲକ୍ଷ୍ମୀ ସାମନ୍ତରାୟ, ଭାସ୍କର ଦାସ, ଏବଂ ସୌମ୍ୟ ରଞ୍ଜନ ମହାରଥୀ ପ୍ରମୁଖ ଉପସ୍ଥିତ ଥିଲେ । ଏହି କାର୍ଯ୍ୟକ୍ରମର ସଂଗଠକ ଥିଲେ ଗୋଷ୍ଠୀ ସାଧନ କେନ୍ଦ୍ର ସଂଯୋଜକ ପୂର୍ଣ୍ଣ ଚନ୍ଦ୍ର ବେହେରା ଓ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଵିଷ୍ଣୁ ପ୍ରିୟା ରଥ । ଉକ୍ତ କାର୍ଯ୍ୟକ୍ରମରେ ୧୦ଟି କ୍ଳଷ୍ଟରର ୨୩୪ ଜଣ ପ୍ରତିଯୋଗୀ ୧୭ ଟି ପ୍ରତିଯୋଗୀତାରେ ଅଂଶ ଗ୍ରହଣକରିଥିଲେ । ପ୍ରଥମ ସ୍ଥାନ ଅଧିକାର କରଥିବା ଛାତ୍ର /ଛାତ୍ରୀ ମାନେ ବରିଷ୍ଠ ବିଭାଗର ଅନୁଷ୍କା ମିଶ୍ର, ଶୁଭଲଷ୍ମୀ ଜେନା, ନନ୍ଦିନୀ ରାଓ, ରୁଦ୍ରନାରାୟଣ ବେହେରା, ସୁଭଦ୍ରା ମହାକୁଡ଼, କୃଷଣତନ୍ୟ ମହାରଣା, ଅଞ୍ଜଳି ଭୂୟାଁ ଏବଂ କନିଷ୍ଠ ବିଭାଗର ସର୍ବେଶ୍ୱର ମହାରଣା, ସୁମନ୍ତ ବାରିକ, ସାଇଲଷ୍ମୀ ମହାରଣା, ସ୍ବଦେଶ କୁମାର ସାହୁ, ସୁଚିସ୍ମିତା ସାହୁ, ସ୍ୱର୍ଣ୍ଣ ପ୍ରିୟା ସାହୁ ପ୍ରମୁଖ ଜିଲ୍ଲା ସ୍ତରୀୟ “ସୁରଭି”କୁ ଉନ୍ନୀତ ହୋଇଛନ୍ତି। ଏହି ପରିପ୍ରେକ୍ଷୀରେ ଆଞ୍ଚଳିକ ସାଧନ କେନ୍ଦ୍ର ସଂଯୋଜିକା ରଶ୍ମିତା ନାୟକଙ୍କ ଶିଶୁ ସଂକଳନ “ସୁରଭି” ବରଣ୍ୟ ଅତିଥି ଓ ଶିଶୁଙ୍କ କରକମଳରେ ସମ୍ପୂର୍ଣ ଆତ୍ମ ପ୍ରକାଶ କରିଥିଲା ।
ଏହି କାର୍ଯ୍ୟକ୍ରମକୁ ସଂଯୋଜନା କରିଥିଲେ ଅଜୟ ବେହେରା । ସୁରଭି କାର୍ଯ୍ୟକ୍ରମର ମୁଖ୍ୟ ଆକର୍ଷଣ ଥିଲା ଦଳଗତ ସାଂସ୍କୃତିକ କାର୍ଯ୍ୟକ୍ରମ ଯାହା କୃଷ୍ଣଚନ୍ଦ୍ର ସରକାରୀ ଉଚ୍ଚ ବିଦ୍ୟାଳୟର ବିଦ୍ୟାର୍ଥିମାନଙ୍କ ଦ୍ୱାର ପରିବେଷଣ କରାଯାଇଥିଲା । ଏହି କାର୍ଯ୍ୟକ୍ରମକୁ ସହଗୋଷ୍ଠୀ ଶିକ୍ଷାଅଧିକାରୀ ସବିତା ମହାପାତ୍ର ଏବଂ ପ୍ରମିଳା ସାହୁ ଉପସ୍ଥିତ ରହି, ବ୍ଳକର ସମସ୍ତ ସି.ଆର.ସି.ସି ଓ ସମସ୍ତ ଶିକ୍ଷକ / ଶିକ୍ଷୟତ୍ରୀ ସହଯୋଗ କରିଥିଲେ । ପରିଶେଷରେ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ବିଷ୍ଣୁ ପ୍ରିୟା ରଥ ଧନ୍ୟବାଦ ଅର୍ପଣ କରିଥିଲେ ।
